Խորհուրդներ, որոնք կօգնեն պահպանել Ձեր կեցվածքը

  1. Պատասխանատվությամբ մոտեցե՛ք աշխատանքային վայրի ընտրությանը։ Սեղանի բարձրությունը պետք է համապատասխանի Ձեր հասակին, ձեռքերը հենվեն սեղանին, իսկ ուսերը չբարձրանան վեր, և մեջքը պետք է հենվի աթոռի թիկնակին։ Համակարգչի մոնիտորը պետք է տեղադրված լինի աչքերի բարձրությանը համապատասխան կամ մի փոքր ներքև։ Աթոռը նույնպես պետք է համապատասխանի Ձեր հասակին։ 190սմ հասակի դեպքում աթոռի թիկնակը պետք է լինի 75սմ-ից ոչ ցածր։ Անհրաժեշտ է, որ թիկնակը ունենա կորություն ՝ համապատասխան ողնաշարի գոտկային հատվածի կորությանը։
  2. Նստե՛ք ճիշտ։ Խորհուրդ է տրվում նստել սեղանին մոտ, արմունկները հենել սեղանին, իսկ ձեռքերը ծալել 90 ° անկյան տակ։ Գլուխը և պարանոցը պահե՛ք մի գծի վրա։ Որպեսզի բեռնաթափեք մեջքը, անհրաժեշտ է ազդրերը զուգահեռ լինեն հատակին։
  3. Պահպանե՛ք մկանային ուժը։ Ժամանակ տրամադրե՛ք և ուշադրություն դարձրե՛ք ֆիզիկական բեռնվածությանը։ Կարող եք շատ քայլել, հաճախել ֆիտնես ակումբ կամ լողի։
  4. Վարժություններ կատարե՛ք ամեն օր, եթե ժամանակ չունեք սպորտի հաճախելու համար։ Կեցվածքը պահպանելու համար խորհուրդ ենք տալիս կատարել պարզագույն վարժություններ ամեն ժամը մեկ․
    1. Մեջքի հետևում բռունցք արեք և աշխատեք ձեռքերը բարձրացնել հնարավորինս վեր։ Կրկնեք 3-4 անգամ։
    2. Թիակները հետ տարեք, ձեռքերը ցած կախեք և այդ դիրքում լարեք մեջքի և որովայնի մկանները, գլուխը հետ գցեք և այդ դիրքում մնացեք 30 վայրկյան։ Վարժությունը կրկնեք 2-3 անգամ։
    3. Բարձրացե՛ք աթոռից, կրունկները միասին, թաթերը անջատ կանգնեք, փորը ներս քաշեք և կամաց բարձրացեք թաթերի վրա, ձեռքերը բարձրացրեք վեր, իսկ շունչը պահեք։ Կրկնեք 5 անգամ։
  5. Հետևե՛ք ինչի վրա եք քնում։ Անհրաժեշտ է ընտրել ամուր և որակյալ ներքնակ։
  6. Եվ վերջապես, օգտվե՛ք մեր ծառայություններից և Դուք 15 րոպեյի ընթացքում կզգաք, թե ինչպես եք թոթափում մարմնի հոգնածությունը,  ազատվում մկանային ծանրությունից և թուլությունից։ Դուք կարող եք պահպանել Ձեր կեցվածքը՝ չհեռանալով անգամ աշխատավայրից։